Pagina Inicial»Noticia
Komisaun G iha Parlamentu Nasionál, ne’ebe trata asuntu Edukasaun, Juventude, Kultura no Sidadania, iha loron 14 fulan abril tinan 2021, aprova ona relatóriu no pareser ba PPL n.o 32/V(3ª) – alterasaun dahuluk ba lei n.o 14/2020, 29 dezembru, Orsamentu Jeral Estadu 2021 nian.
Aprovasaun relatóriu no pareser ne’ebe prezide husi Prezidente Komisaun G, Deputadu Antonio Verdial Sousa, ne’e ho 4 voto a favor, 0 contra no 1 abstensaun.
Antes halo aprovasaun, Prezidente komisaun autoriza relatora Deputada Gabriela Alves hodi halo leitura ba relatóriu no pareser inklui aprezentasaun pedidu ka prekupasaun ruma husi Deputadu sira.
Hafoin aprovasaun, iha parte loraik, komisaun refere submete kedas relatóriu ne’e ba Komisaun C hodi elabora antes aprezenta iha sesaun plenária.
