Grupo Mulheres Parlamentares Timor-Leste (GMPTL), iha loron 04 fulan março tinan 2021, visita mate isin vítima homicídio iha Hospital Nacional Guido Valadares.
Depois de visita Presidente GMPTL ba jornalista sira hatete, objetivo hussi visita ne’e, atu hare direita mate isin vitima homicídio (oho hussi nia kaben rassik) ne’ebé lakon nia vida, iha loron 03 fulan março tinan 2021, iha Balibo, Município Bobonaro.
Presidente GMPTL afirma liu tan katak, suspeito comete hahalok incesto ba nia oan rassik no mos homicídio, hodi halakon nia fen nia vida, no ikus liu, halo ameaças. Ho ida ne’e, GMPTL hakribi hahalok sira ne’e, no afirma katak, ema hotu-hotu iha sala maibe laiha ema ida mak iha direito atu hasai ema seluk nia vida. Ho nune’e, convida ema hotu-hotu atu hatete lae ba incesto, no hussu instituição competente atu atua ho lalais, atu labele mosu tan vitima seluk.
Visita ne’e lidera hussi Presidente GMPTL, Deputada Lídia Norberta dos Santos Martins no acompanha hussi Deputada sira GMPTL nian.
