Presidente Parlamento Nacional, Aniceto Longuinhos Guterres Lopes, halo reunião ho Presidente Associação Tane Consumidor, António Ramos da Silva ho nia equipa, iha loron 25 fulan fevereiro tinan 2021, iha Gabinete Presidente Parlamento Nacional nian.
Iha reunião nee Presidente Associação Tane Consumidores informa konaba Lei Proteção Consumidores no 8/2016, 8 de julho, husu ba Parlamento Nacional hodi bele completa legislação balun ne’ebe mak seidauk completo iha Lei Proteção Consumidores.
António Ramos husu mos ba Parlamento Nacional atu bele apoio ba Associação Tane Consumidor tamba Associação nee halo serviço nebe mak essencial tebes ba consumidor sira.
Durante nee Associação Tane Consumidor simu queixa barak iha área hotu hotu hanesan consume, situação serviço, Energia EDTL no Telecomunicações, caso balun consegue resolve no caso balun encaminha ba entidades reguladoras sira.
Presidente Parlamento Nacional recomenda ba Associação Tane Consumidor hodi halo sensibilização ba público hodi ema bele acesso ba informação kona-ba associação nia serviço rassik.
