Pagina Inicial»Noticia
Parlamento Nacional, liu hussi Sessão Solene de homenagem, iha loron 15 fulan fevereiro tinan 2021, halo cerimónia hodi hato’o homenagem ikus ba saudoso ex-Deputado Assembleia Constituinte no Legislatura dahuluk, Julião Mau Siri “Meta Zebra”, ne’ebé hakotu-iis iha Hospital Nacional Guido Valadares (HNGV), iha loron 12 fulan fevereiro tinan 2021.
Homenagem ikus ne’e hato’o liu hussi sessão plenária ordinária, ne’ebé aprova voto de pesar ho 53 votos a favor, 0 contra no 0 abstenções.
Saudoso Deputado Julião Mau Siri “Meta Zebra”, hanessan Deputado iha Assembleia Constituinte no I Legislatura 2002-2007, hussi Bancada Partido Democrático (PD), matebian moris iha Camea, Becora, Município Díli, loron 17 fulan junho tinan 1966 no hakotu-iis ho idade 54 anos.
Iha sessão de homenagem ne’e, hahú ho toca Hino Nacional no mós um minuto de silêncio ne’ebé dirigi hussi Presidente Parlamento Nacional, além de ne’e, iha mós leitura ba votos de pesar ne’ebé Parlamento aprova ona.
Iha homenagem ne’e, Bancada sira iha Parlamento Nacional, hato’o sira nia sentidas condolências ba família Saudoso Deputado no sei la haluha ninia contribuição durante período resistência e, depois da independência, no contribuição ba desenvolvimento nação ida-ne’e.
Depois sessão homenagem iha Parlamento Nacional, mate isin entrega ba Família matebian nian hodi continua ho cerimónia fúnebre ninian.
