Presidente Parlamento Nacional, Aniceto Longuinhos Guterres Lopes, acompanha hussi Vice-Presidente Parlamento Nacional, Maria Angelina Lopes Sarmento, halo reunião ho Embaixador Japão, Sr. Kinefuchi Masami, iha loron 03 fulan fevereiro tinan 2021, iha sala Gabinete Presidente Parlamento Nacional nian.
Objetivo husi reunião ne’e, embaixador Japão informa ba Presidente Parlamento Nacional kona-ba relação bilateral entre nação Timor-Leste ho nação Japão liga ho cooperação sira iha tempo passado, ao mesmo tempo atu hare mos cooperação no assistência hodi explora programa iha futuro mai, especificamente hare liu ba relação Parlamento Nacional de Timor-Leste ho Parlamento Japão nian.
Resultado hussi encontro ne’e, embaixador sei encaminha relatório ba Japão hodi nune bele identifica programa saida mak bele estabelece iha Parlamento Nacional de Timor-Leste iha futuro.
Além de ne’e, embaixador mos explica kona-ba processo atu halo reabilitação ba Aeroporto Internacional Nicolau Lobato Comoro, Dili.
