Pagina Inicial»Noticia
Comissão E ne’ebé trata assunto Infraestruturas halo audiência ho Presidente Eletricidade de Timor-Leste (EDTL.ep), Responsável Companha GUARDAMOR ho Responsável Guarda Lorosae no ex trabalhador hamutuk 468, hodi discute kona-ba problema trabalhador sira nian ne’ebe quase tinan rua la simu salario, masque loroloron halo nafatin serviço.
Trabalhador sira ne’e halo segurança iha subestação EDTL iha município sira, ne’ebe hetan problema bainhira iha mudança contrato hussi companha ida ba companha seluk.
Tanba ne’e, Comissão E buka meios atu soluciona problema refere ho envolvimento companha no Governo liu hussi EDTL hodi bele hetan solução, nune’e labele afeta ba funcionamento EDTL inclui halo sofre ema barak tanba hussi numero trabalhador ne’ebe barak bele ultrapassa família sira-nia dificuldade.
