Presidente da Autoridade Região Administrativa Especial Oecússi Ambeno (RAEOA), Arsénio Bano, halo audiência ho Presidente Parlamento Nacional, Aniceto Longuinhos Guterres Lopes, iha gabinete presidente nian iha loron 21 fulan janeiro tinan 2021.
Durante audiência, Presidente Autoridade RAEOA atualiza serviço RAEOA nian ba Presidente Parlamento Nacional liuliu liga ba política nacional no desenvolvimento iha RAEOA.
Prioridade agora mak oinsá RAEOA no Governo central reforça iha prevenção no combate Vírus Covid-19. Tanba RAEOA bessik liu fronteira inclui Município Maliana no Covalima.
Alem de ne’e, ho situação Covid-19 nian afeta makas ba economia rai laran, nune’e autoridade RAEOA esforço makas atu coordena no organiza oinsá assegura nafatin economia iha RAEOA.
Presidente Parlamento Nacional aprecia serviço no esforço REAOA no povo Oecússi liuliu prevenção no combate Vírus Covid-19.
