Pagina Inicial»Noticia
Deputado sira ne’ebé tama iha Rede de Jovens Parlamentares da Assembleia Parlamentar da CPLP iha loron 11 fulan dezembro tinan 2020, continua halo discussão ba estatuto Rede de Jovens Parlamentares CPLP, liu hussi videoconferência.
Durante discussão ne’ebe lidera hussi Presidente Comissão Instaladora da RJP-CPLP, Luís Carlos Silva ne’e mossu sugestão barak hussi membro sira RJP-CPLP nian liga ba esboço estatuto refere, oinsá bele halo harmonização antes halo aprovação.
Nune’e, membro sira decide hodi continua halo reunião extraordinário ida iha loron 15 fulan dezembro tinan 2020 hodi halo aprovação ba estatuto RJP-CPLP antes hakat ba agenda sira seluk.
Membro Deputado sira Parlamento Nacional ne’ebé participa iha reunião refere mak hanessan Deputado Antonio de Sá Benevides, Deputada Isabel Maria B. Freitas Ximenes, no Deputada Elvina Sousa.
