Pagina Inicial»Noticia
Iha loron 06 fulan novembro tinan 2020, Secretária-Geral Parlamento Nacional, Cedelizia Faria dos Santos, acompanha hussi Adjunto Secretário-Geral Parlamento Nacional, Luís Nascimento, Diretor Apoio Parlamentar, Chefe Gabinete Segurança Parlamento no equipa estrutura Parlamento Nacional realiza encontro ho Chefe Gabinete, Diretor Geral, no Dirigente sira Administração Pública hussi órgão Estado oioin, iha Salão Auditório Ministério Finanças Aitarak - Laran.
Objetivo hussi encontro ne’e atu halo coordenação de serviço entre Parlamento Nacional ho responsáveis linhas ministeriais hodi mantem regras ba audiência pública, discussão no votação iha fase generalidade, especialidade no final global ba OGE Tinan Fiscal 2021 lao tuir norma ne’ebé iha.
Hafoin remata encontro ba jornalista sira Secretária-Geral Parlamento Nacional, Cedelizia Faria dos Santos hatete, encontro ida ne’e, bele fahe regras ne’ebe mak durante ne’e vigora iha Parlamento Nacional, no informa mós situação no condição Parlamento Nacional ba responsáveis linha ministerial sira, hodi assegura serviço durante audiência pública ho Governo ba OGE 2021.
