Deputado sira liu hussi reunião Comissão Permanente iha loron 2 fulan setembro 2020, continua preocupa necessidade básico sira povo nian mak hanessan bee-mos, saúde, estrada no seluk tan.
Preocupação hirak ne’e, Deputado sira apresenta atu hetan atenção máximo hussi Governo liu hussi ministério competente sira.
Secretario de Estado para a Comunicação Social, Merício Juvinal dos Reis Akara, hatete preocupação balun Governo continua esforço hodi responde tuir kbiit orçamento duodecimal nian maibé necessidade barak Governo sei responde bainhira aprova ona Orçamento Geral de Estado 2020 no 2021.
Reunião Comissão Permanente ne’e aprova mós deliberação ida hodi convoca Parlamento Nacional ba reunião plenária extraordinária iha loron 3 fulan setembro kona-ba renovação ba dala V Estado Emergência.
Sessão Plenária Comissão Permanente ne’e preside hussi Presidente do Parlamento Nacional, Aniceto Longuinhos Guterres Lopes, acompanha hussi membro sira Mesa nian no hetan presença hussi Secretário de Estado para a Comunicação Social, Merício Juvinal dos Reis Akara.
