Presidente Parlamento Nacional, Aniceto Longuinhos Guterres Lopes halo reunião ho Embaixador União Europeia, Sr. Andrew Jacobs, iha loron 10 fulan junho tinan 2020 iha Gabinete Presidente Parlamento Nacional nian.
Depois de encontro, Embaixador ne’e ba jornalista sira hatete, reunião ida ne’e hanessan primeiro reunião ho Presidente Parlamento Nacional hodi koalia kona-ba relação entre Timor-Leste ho União Europeia ne’ebe mak metin iha relação multilateral nian, alem de ne’e koalia mos kona-ba beneficio Timor Leste nian iha Democracia no mos Diretos Humanos no seluk tan.
Embaixador ne mos afirma katak, União Europeia sei continua fo suporta ba Parlamento Nacional liu hussi Programa Nações Unidas ba Desenvolvimento-PNUD no Instituto Camões no mos cooperação iha parte seluk tan hodi hametin relação iha futuro.
