Pagina Inicial»Noticia
Estudante sira hussi Escola Secundária Geral 12 de Novembro Díli hamutuk 40 composto hussi feto 20 no mane 20, hala’o visita guiada ba Parlamento Nacional iha loron 16 fulan março tinan 2020.
Iha abertura ba visita guiada ne’e Chefe Divisão de Relações Publicas Comunicação e Educação Cívica, Dionisio de Jesus Lopes, hatete necessário tebes publico liuliu estudante sira hatene kona-ba lala’ok no funcionamento segundo órgão soberano ne’e.
Tanba ne’e liu hussi visita guiada bele partilha informação sira liga ba papel no funcionamento Parlamento Nacional atu estudante sira bele hatene no sai referencia ba futuro.
Entretanto Adjunto Diretor Escola 12 de Novembro, Kanisius Elu, agradece ba Parlamento Nacional ne’ebé bele convida estudante sira hussi Escola Secundaria 12 de Novembro hodi participa iha visita guiada hodi bele aprende kona-ba papel no funcionamento segundo órgão soberano nian.
Iha atividade ne’e Técnico Superior Parlamentar, Paul da Costa Nunes, apresenta matéria kona-ba funcionamento Parlamento Nacional inclui funcionamento comissão especializada sira. Estudante sira mós hetan oportunidade hodi assisti reunião Plenária no visita sala comissão sira.
