Pagina Inicial»Noticia
Parlamento Nacional liu hussi Comissão G ne’ebé trata assunto Educação, Juventude, Cultura e Cidadania, hala’o fiscalização iha Município Bobonaro, iha loron 11 fulan março tinan 2020.
Atividade fiscalização ne’ebe preside hussi Presidente Comissão em Exercício Deputado Sabino Soares “Guntur”, acompanha hussi membro comissão sira, hahú ho reunião ho Secretario Autoridade Município Bobonaro, Júlio Carvalho Pereira, acompanha hussi Diretor da Educação no Chefe Departamento sira, hodi apresenta no discute kona-ba educação iha município refere.
Iha reunião ne’e, Deputado sira rona preocupação sira kona-ba professor contratado sira, merenda escolar, inclui condição escola ne’ebé horas ne’e daudaun escola sira enfrenta.
Hafoin reunião, Deputado sira continua halo fiscalização ba Colégio Infante de Sagres Maliana ne’ebé hetan incendio iha semana hirak liu ba hodi haree condição real ne’ebé colégio ne’e enfrenta. Liu tiha contínua ba visita Escola Básica Manu-Aman ne’ebé foin construi iha aldeia Manu-Aman.
