Pagina Inicial»Noticia
Comissão G ne’ebé trata assunto Educação, Juventude, Cultura e Cidadania, realiza audiência ho representante hussi Conselho dos Combatentes da Libertação Nacional, ne’ebé lidera hussi Sr. Norberto Espírito Santo, iha loron 11 fulan março tinan 2020, iha sala Comissão G.
Iha encontro ne’e, representante hussi CCLN, Hato’o lamentações kona-ba regime especial ne’ebé Ministério Ensino Superior assume hodi halo recrutamento ba Estudante foun sira tama ba UNTL. Representante ne’e mós hussu ba Parlamento Nacional, liuliu Comissão G atu convida Ministro competente, Conselho Veteranos, Reitor UNTL nomos Comissão Homenagem atu mai fó hanoin ruma kona-ba recrutamento estudante foun, tanba estudante lubuk ida hussi regime especial la tama UNTL, maibé to’o agora Ministério relevante seidauk halo fali registo ba fatin ne’ebé mak mamuk atu nune veterano nia oan sira bele hetan fali oportunidade hodi preenche fatin refere
Hatán ba preocupação sira ne’e, Presidente Comissão G em exercício, Sabino Soares “Guntur”, hatete, nu’udar representa povo, sei hato’o preocupação sira hotu ba ministério relevante no sei prepara convite ba audiência hodi convida Ministro Ensino Superior no reitor UNTL inclui Conselho dos Combatentes da Libertação Nacional (CCLN), atu nune’e sira bele passa informação ba malu hodi resolve problema ne’e.
