Pagina Inicial»Noticia
Comissão Organizadora ba Celebração Loron Veteranos, ne’ebé lidera hussi Virgílio Smith, ho nia equipa halo reunião ho Presidente do Parlamento Nacional, Arão Noé de Jesus da Costa Amaral, iha loron 28 fulan fevereiro tinan 2020, iha Gabinete Presidente nian.
Iha reunião ne’e, Comissão Organizadora apresenta programa cerimonia Loron Veteranos nian ne’ebé sei hala’o iha loron 3 fulan março tinan 2020.
Além de ne’e, Comissão Organizadora mós fó brifing ba Presidente do Parlamento Nacional ne’ebé sei preside Arriar Bandeira nian iha comemoração ne’e.
Programa ba Celebração Loron Veteranos ne’e hahú hussi loron 1 to’o 3 fulan março tinan 2020; nune’e iha loron dahuluk sei iha missa, iha Jardim dos Heróis Metinaro iha 09:h00, loron daruak Comissão Organizadora halo seminário ida hodi convida líder nacional sira atu bele fahe experiencia no historia resistência nian, no iha loron datoluk nian ba cerimonia ne’e sei fahe ba parte rua; dahuluk sei hassa’e uluk Bandeira FRETILIN, FALINTIL no CNRT, hafoin ida-ne’e iha loraik ba arriar bandeira nian sei preside hussi Presidente do Parlamento Nacional.
