Pagina Inicial»Noticia
Secretária-Geral do Parlamento Nacional, Cedelizia Faria dos Santos, acompanha hussi Secretário-Geral Adjunto, Luís Nascimento da Costa, continua halo reunião ho Direção de Recursos Humanos e Formação, ho divisão sira ne’ebé tutela iha direção refere no funcionário sira, iha loron 28 fulan janeiro tinan 2020, iha sala conferência Parlamento Nacional.
Reunião refere hanessan mós reunião dahuluk ne’ebé Secretária-Geral halo ho Direção de Gestão Financeira, ho objetivo atu rona no avalia serviço sira nune’e bele melhoria serviço iha futuro.
Durante reunião, estrutura tomak Direção de Recursos Humanos nian inclui funcionário sira apresente preocupação no sugestão sira oinsá assegura serviço di’ak liu tan.
Reunião ne’e sei contínua ho Direção no Gabinete sira seluk iha estrutura secretariado nian iha tempo badak.
