Pagina Inicial»Noticia
Parlamento Nacional liu hussi Reunião Plenária ordinária, iha loron 07 fulan maio tinan 2019, hili Deputado Patrocino Fernandes dos Reis (Membro Efetivo) no Deputado José Virgílio R. Ferreira (suplente) hodi substitui Deputada Virgínia Ana Belo, atu representa Bancada CNRT iha Conselho de Administração Parlamento Nacional nian, ho 41 votos a favor, 1 contra, no 4 abstenções.
Tuir agenda, iha mós apresentação relatório kona-ba participação iha Cimeira Mundial kona-ba paz, segurança no desenvolvimento humano, iha nação Coreia do Sul, ne’ebé apresenta hussi Deputado Adriano do Nascimento. Participa iha cimeira ne’e mak hanessan Deputado Adriano do Nascimento no Deputado Francisco de Vasconcelos. Apreciação Deputado sira ba relatório ida ne’e, mak precisa fó continuidade hodi fó apreciação ba comissão organizadora liu hussi MNEC hodi oficializa por escrita (hakerek).
Entretanto intervenções diversas, Deputado sira continua hato’o kona-ba contestação sira hussi Professores RAEOA-Oecússi ne’ebé la simu salário, restos mortais abandonado iha Laga, la iha pessoal de saúde iha Suco Uaimori Município Viqueque nian, Condição Estrada Direção hussi Baucau ba Laga la di’ak, preocupação hussi jovem sira ba comemoração loron restauração independência la iha atividades desportivas.
Ministro da Reforma Legislativa e Assuntos Parlamentares, Fidélis Manuel Leite Magalhães, informa katak sei encaminha preocupação Deputado sira nian ba Ministério relevante hodi buka solução, Ministro mós hatutan katak estrada hussi Baucau ba Laga tama ona iha fase estudo ninian no nia obra sira sei começa iha tinan oin.
Reunião Plenária ne’e preside hussi Vice-Presidente do Parlamento Nacional, Maria Angelina Lopes Sarmento, acompanha hussi membro da Mesa sira, no hetan presença hussi Ministro da Reforma Legislativa e Assuntos Parlamentares, Fidélis Manuel Leite Magalhães.
