Pagina Inicial»Noticia
Parlamento Nacional liu hussi Reunião Plenária ordinária, iha loron 08 fulan abril tinan 2019, halo discussão no aprovação ba Projeto de Resolução nº 27/V (1º) kona-ba Programa Lian Povo, ho 37 votos a favor, 0 contra no 8 abstenções.
Iha Plenária ne’e Deputado sira questiona assunto sira ligado ho infraestrutura básica iha município sira hanessan, condição estrada sira no mós escola balun, eletricidade, Educação, agua potável, problema negociante ambulante nian, irrigação iha suco Talimoro – Gleno hetan estrago tanba udan, pagamento ne’ebé atraso ba professor sira, lixo iha Díli laran, questão controlo do tabaco, ne’ebé mak to’o agora Governo seidauk estabelece Conselho Nacional de Controlo de Tabaco tuir Decreto Lei Governo nian.
Relaciona ho problema ne’ebé levanta hussi Deputado sira, Ministro da Reforma Administrativa pronúncia katak, problema sira ne’ebé levanta hussi Senhores Deputados sei encaminha nafatin ba ministérios competente hodi toma atenção. Em relação ho estabelecimento Conselho Nacional de Controlo de Tabaco, sei hato’o ba Primeiro-Ministro tanba tuir decreto do Governo, questão ne’e, competência Primeiro-Ministro nian.
Reunião ne’e preside hussi Vice-Presidente do Parlamento Nacional, Luís Roberto da Silva, acompanha hussi membro da Mesa sira, no hetan presença hussi Ministro da ReformaLegislativa e Assuntos Parlamentares, Fidélis Manuel Leite Magalhães.
