Pagina Inicial»Noticia
Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira entrega presente natal ba orfanato sira iha vida fraterna ISMAIK Loes Município Liquiçá, orfanato St. Terezinha do Menino de Jesus, no orfanato Lar Bom Samaritano Lauala Gleno Município Ermera.
Atividade fahe presente natal ne’e hala’o durante loron rua, hahú iha loron 28 too 29 fulan dezembro tinan 2018.
Orfanato sira iha Vida Fraterna ISMAIK ne’e hamutuk na’in 40 ho idade hussi tinan 4 too 17, orfanato sira hussi St Terezinha do Menino de Jesus ne’e hamutuk na’in 35 ho idade hahú hussi tinan 1 too 17, no orfanato La Bom Samaritano hamutuk na’in 80 ho idade hahú hussi 12 too 17.
Durante entrega presente natal, responsável sira orfanato nian apresenta mós dificuldade sira ba Presidente do Parlamento Nacional ho nia comitiva hodi bele informa ba Governo.
Presente natal ne’ebé entrega hanessan necessidade básico, inclui orçamento balun hodi tulun orfanato sira ne’e.
