Pagina Inicial»Noticia
Parlamento Nacional liu hussi sessão Plenária extraordinária iha loron 22 fulan dezembro tinan 2018, aprova ona Orçamento Geral de Estado tinan 2018 nian, ho 40 votos a favor, 25 contra no 0 abstenções.
Discussão OGE 2019 ne’e hahú iha loron 6 too loron 22 fulan dezembro tinan 2018.
OGE 2019 ne’e ho montante inicial $1.827 milhões de dólares. Durante discussão liuliu iha especialidade mossu proposta aditamento, alteração inclui transferência balun hussi dotação ida ba dotação seluk iha orçamenta ne’e hodi sa´e ba $2.132 milhões de dólares.
Hafoin votação final global, Presidente do Parlamento Nacional fó tempo ba bancada parlamentar sira hodi hato’o declaração de voto no discurso hussi Primeiro-Ministro.
Ho aprovação iha final global ne’e, Comissão de Finanças Públicas sei halo redação final antes entrega ba Presidente do Parlamento Nacional no ikus mai liu hussi Decreto Parlamento Nacional haruka ba Presidente da República.
Discussão ba OGE 2019 ne’e preside hussi Presidente do Parlamento Nacional, Arão Noé de Jesus, acompanha hussi membro da Mesa sira, no hetan presença hussi Primeiro-Ministro, Taur Matan Ruak, no membro Governo tomak.
