Pagina Inicial»Noticia
Parlamento Nacional liu hussi reunião Plenária extraordinária, iha loron 12 fulan dezembro tinan 2018, hahú ona halo debate ba Proposta Orçamento Geral de Estado 2019 nian iha especialidade.
Debate ba especialidade ne’e hahú iha 15h45 hafoin aprovação Generalidade iha parte dadeer.
Iha debate ne’e hahú ho aprovação ba artigo 1 kona-ba definição, ho 38 votos a favor, 2 contra no 21 abstenções. No liu hussi discussão naruk, Deputado sira aprova ona orçamento ba Presidência da República ho 48 votos a favor, 1 contra no 17 abstenções, ho total orçamento $7,567 milhões.
Discussão ne’e encera iha 18h40 no sei continua iha loron 13 fulan dezembro tinan 2018 hodi discute ba orçamento órgão soberano seluk.
Debate OGE ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira no hetan presença hussi Primeiro-Ministro, Taur Matan Ruak, no membro sira Governo nian.
