Presidente Parlamento Nacional halo reunião ho Vice-Ministro Administração Estatal

Pagina Inicial»Noticia

Presidente do Parlamento Nacional, Arão Noé de Jesus da Costa Amaral, halo reunião ho Vice-Ministro da Administração Estatal, Abílio José Caetano, ho nia equipa sira iha loron 23 fulan novembro tinan 2018, iha Gabinete do Presidente do Parlamento Nacional.

Iha reunião ne’e Vice-Ministro da Administração Estatal, informa kona-ba preparação hodi comemora loron 28 de novembro Proclamação da Independência ba dala 43, ne’ebé sei realiza iha Palácio do Governo.

Atu comemora loron histórico ne’e Governo liu hussi Ministério Turismo Comercio no Industria organiza mós feira ida hahú iha loron 25 too 27 iha Centro Convenções Díli (CCD). Comissão organizadora mós sei organiza misa de agradecimento iha loron 27, iha igreja Motael Díli iha 09h00.

Comemoração loron 28 de novembro ne’e sei preside hussi Presidente da República, Francisco Guterres Lu-Olo, no iha parte loraik, arear de bandeira nian sei preside hussi Presidente do Parlamento Nacional, Arão Noé de Jesus da Costa Amaral.

Tags: