Pagina Inicial»Noticia
Funcionário sira Parlamento Nacional nian tuir formação ne’ebé oferece hussi Assembleia da República durante semana ida hahú iha loron 19 too 23 fulan novembro tinan 2018, iha ex-edifício Ministério das Finanças.
Formação ne’e realiza baseia ba cooperação entre Parlamento Nacional de Timor-Leste ho Assembleia da República Portugal tuir ação 11- capacitação kona-ba elaboração plano de atividade, relatório anual no orçamento comissão sira-nian, ação 12- capacitação kona-ba organiza audiência no evento publico sira iha âmbito processo legislativo sira no fiscalização, ação 23- apoio ba desenvolvimento no implementação sistema ida ho definição, analisa no avaliação função sira recurso humano parlamentar, ação 24- apoio ba elaboração no implementação plano desenvolvimento profissional ba funcionário sira, ação 32- apoio ba estabelecimento no funcionamento ba centro formação parlamentar.
Secretário-Geral do Parlamento Nacional, Adelino Afonso de Jesus, agradece ba formador sira hussi Assembleia da República ne’ebé fahe ona nia experiencia, conhecimento ba funcionário sira hodi iha conhecimento di’ak liu tan no melhoria serviço loroloron, no hussu atu continua iha futuro mai.
Durante formação, além de apresentação matéria ba participante sira, iha mós sessão hussu no hatán liuliu matéria hirak ne’ebé liga ba serviço loroloron nian.
Funcionário sira ne’ebé participa iha formação ne’e hamutuk na’in 66 ho nia formador sira mak hanessan Joaquim Ruas, Pedro Pacheco no Marta Coutinho.
