Pagina Inicial»Noticia
Parlamento Nacional liu hussi Comissão Especializada Permanente sira, iha loron 19 fulan novembro tinan 2018 hahú halo audiência publica ho ministério sira kona-ba Proposta Orçamento Geral de Estado 2019 nian.
Durante audiência ho ministério sira ko’alia liu kona-ba execução Orçamento Geral de Estado 2018 nian liuliu Orçamento Geral de Estado 2019 nian.
Audiência ba loron dahuluk nian mak hanessan; Comissão A ne’ebé trata assuntos Constitucionais e Justiça, halo audiência ho Chefe Casa Civil hussi Presidência da Republica, Gabinete Primeiro-Ministro, Ministro de Estado Presidência do Conselho Ministro, UPMA (Unidade de Planeamento Monitorização e Avaliação), Inspeção Geral do Estado, Arquivo Museu Resistência Timorense, Centro Nacional Chega, Gabinete do Apoio Sociedade Civil, no G7+; Comissão B ne’ebé trata assuntos Negócios Estrangeiros, Defesa e Segurança, Comissão C ne’ebé trata assuntos Finanças Públicas, Comissão D ne’ebé trata assuntos Economia e Desenvolvimento, Comissão E ne’ebé trata assuntos Infraestruturas, Comissão G ne’ebé trata assuntos Educação, Juventude, Cultura e Cidadania, halo audiência ho Ministro Reforma Legislativa e Assuntos Parlamentar, Ministro de Estado Presidência e Conselho Ministro, UPMA (Unidade de Planeamento Monitorização e Avaliação), no Inspeção Geral do Estado.
Iha parte loraik, Comissão G continua halo audiência ho Ministra da Educação Juventude e Desporto, Comissão C no D halo audiência ho representante Ministro Coordenador dos Assuntos Económicas, Ministério do Turismo, Comercio e Industria, Agencia de Investigação e Fiscalização da Atividade Económica, Sanitária e Alimentar I.P (AIFAESA).
Comissão F halo audiência ho Comissão Nacional dos Direitos das Crianças ho Comissão Nacional do Combate HIV-SIDA.
Audiência publica ne’e sei continua iha loron 20 fulan novembro tinan 2018, ho ministério relevante sira seluk.
