Pagina Inicial»Noticia
Presidente do Parlamento Nacional, Arão Noé de Jesus, acompanha hussi Vice-Secretária da Mesa, Deputada Isabel Maria B. F. Ximenes no Deputada Regina Freitas, iha loron 10 fulan outubro tinan 2018, halo reunião ho Presidente Fundação Klibur Mata Dalan ba Cooperativa no Fila Liman, Abel Ximenes, hamutuk ho Reitor IOB (Institut of Buissnes) ho nia equipa sira iha gabinete Presidente nian.
Iha reunião ne’e Presidente fundação apresenta serviço sira fundação nian durante ne’e ho nia estrutura no unidade sira iha fundação laran, hanessan IOB, no Escola Técnica Informática.
Horas ne’e daudaun programa estudo sira ne’ebé existe iha IOB mak hanessan Programa Diploma III, Programa Licenciatura no Programa Mestrado.
Iha oportunidade ne’e mós Presidente fundação convida Presidente do Parlamento Nacional hodi halo visita ida Campus IOB hodi inaugura edifício foun ida ne’ebé remata ona nia construção.
Presidente do Parlamento Nacional aprecia tebes ho fundação ida-ne’e, consegue ona forma foin sa’e lubuk ida iha área oioin hodi participa iha processo desenvolvimento nacional.
Tinan barak ona fundação ne’e forma recurso humano ne’ebé bele compete iha campo de trabalho no cria serviço rassik tuir habilidade ida-idak nian.
