Pagina Inicial»Noticia
Presidente do Parlamento Nacional, Arão Noé de Jesus, acompanha hussi nia Vice-presidente, Luís Roberto, Secretária da Mesa, Maria Terezinha Viegas, no Secretário-Geral do Parlamento Nacional, Adelino Afonso de Jesus ho nia Adjunto, João Rui Amaral, halo reunião alargada ho funcionário tomak Parlamento Nacional nian, iha loron 26 fulan setembro tinan 2018.
Reunião ne’e ko’alia kona-ba política geral V Legislatura nian relaciona ho funcionamento Parlamento Nacional, direto no dever funcionário sira Parlamento Nacional nian, avaliação geral, progresso no desafio inclui sugestão sira hodi melhoria funcionamento Parlamento Nacional iha futuro.
Durante reunião, Presidente do Parlamento Nacional hussu ba funcionário sira atu continua mantem profissionalismo serviço iha ida-idak nia fatin, no labele inclina direta iha politica mas que serviço direta ho ema politica hanessan Deputado sira.
Nune’e mós Secretário-Geral do Parlamento Nacional hussu ba funcionário sira atu iha sentido de pertence ba instituição ida-ne’e, no sentido de responsabilidade no disciplina iha knaar loroloron nian.
Iha reunião ne’e, alem de iha sessão hussu no hatán hussi funcionário sira, iha mós apresentação resultado no desafio serviço hussi cada direção sira iha estrutura secretariado nian.
