Pagina Inicial»Noticia
Presidente do Parlamento Nacional, Arão Noé de Jesus, acompanha hussi membro da Mesa balun halo reunião ho membro ASEAN Parlamentar ba Direitos Humanos ne’ebé representa hussi DPR (Dewan Perwakilan Rakyat) Indonésia Deputada, Meity Magdalena Ussu, ho nia equipa sira iha loron 19 fulan setembro tinan 2018, iha gabinete do Presidente do Parlamento Nacional.
Iha reunião ne’e, Deputada Meity Magdalena Ussu informa ba Presidente kona-ba continuação cooperação multilateral, iha área direitos humanos ne’ebé hala’o ona iha tinan rua liu ba entre Parlamento Nacional de Timor-Leste, DPR Indonésia, Parlamento Nacional Malásia no Parlamento da Republica do Singapura.
Nune’e liu hussi reunião ne’e identifica Deputado na’in rua hussi Timor-Leste, ida efetivo no ida seluk suplente ne’ebé iha conhecimento kle’an iha área direitos humanos iha Timor Leste, hodi sai membro ba ASEAN Parlamentares ba Direitos Humanos hodi discute kona-ba questão direitos humanos iha grupo ne’e.
Hafoin reunião ho Presidente do Parlamento Nacional, delegação ne’e mós halo reunião ho Comissão B ne’ebé trata assuntos Negócios Estrangeiros, Defesa e Segurança no Comissão C ne’ebé trata assuntos Finanças Públicas, ho assunto ne’ebé hanessan.
