Error message

  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).

Representante UNICEF no Presidente APTIK-TL halo reunião ho Presidente do Parlamento Nacional

Pagina Inicial»Noticia

Representante UNICEF iha Timor-Leste, Valerei Taton, ho nia equipa sira halo reunião ho Presidente do Parlamento Nacional, Arão Noé de Jesus, iha loron 13 fulan setembro tinan 2018, iha gabinete do Presidente do Parlamento Nacional.

Iha reunião ne’e, representante UNICEF informa ba Presidente do Parlamento Nacional oinsá colaboração Unicef ho Parlamento Nacional kona-ba orçamento no implementação ba lei proteção ba labarik iha Timor-Leste, tanba ne’e precisa iha colaboração di’ak entre instituição rua ne’e atu nune’e bele implementa lei ne’e ho di’ak iha futuro.

Além de ne’e ko’alia mós kona-ba celebração loron mundial ba labarik ne’ebé sei realiza iha loron 20 fulan novembro ne’ebé organiza hussi UNICEF.

Presidente do Parlamento Nacional considera lei ba proteção ba labarik ne’e importante tebes nune’e Parlamento Nacional pronto atu colabora. Presidente do Parlamento Nacional sugere ba UNICEF atu colabora ho Comissão F ne’ebé trata assunto Educação, Saúde, Segurança Social e Igualdade Género hodi discute assunto ne’e.

Iha loron hanessan, Presidente do Parlamento Nacional, Arão Noé de Jesus, acompanha hussi Vice-Secretária da Mesa sira, Deputada Isabel Maria B.F. Ximenes no Deputada Regina Freitas, halo reunião ho Presidente Associação Professional Tecnologia, Informação no Comunicação Timor-Leste (APTIK-TL), Maurício Freitas Soares, ho nia equipa sira iha sala de Conferencia do Parlamento Nacional.

Iha reunião ne’e parte APTIK-TL sugere ba Parlamento Nacional atu oinsá hamossu lei ida hodi regulariza utilização media social no tecnologia iha Timor-Leste.

Ba questão ne’e Presidente do Parlamento sugere atu APTIK-TL colabora ho Comissão E iha Parlamento Nacional hodi discute assunto ho kle’an.

Tags: