Pagina Inicial»Noticia
Embaixador Austrália ba Timor-Leste, Peter Roberts, ho nia equipa sira halo reunião ho Presidente do Parlamento Nacional, Arão Noé de Jesus, acompanha hussi Vice-Secretária da Mesa, Deputada Isabel Maria B. F. Ximenes, iha loron 12 fulan setembro tinan 2018, iha gabinete do Presidente do Parlamento Nacional.
Objetivo reunião ne’e atu ko’alia oinsá hametin cooperação bilateral entre Parlamento Nacional Timor Leste ho Austrália, liuliu iha área capacitação no fahe experiência ba malu entre Grupo Mulheres Parlamentares Austrália nian no Timor-Leste kona-ba processo legislativo no politica. Tanba ne’e sei iha equipa Grupo Mulheres Parlamentares Austrália nian ne’ebé atu visita Parlamento Nacional iha fulan novembro tinan ida-ne’e.
Embaixador Austrália hatete liu hussi grupo parlamentar ne’e sei hametin liu tan amizade entre Parlamento rua ne’e iha futuro.
