Pagina Inicial»Noticia
Presidente do Parlamento Nacional, Arão Noé de Jesus, acompanha hussi nia Vice-Presidente sira, Maria Angelina Lopes Sarmento no Luís Roberto da Silva, halo reunião ho Diretor Regional Asia Pacifico hussi World Food Programme, David Kaatrud, ho nia equipa sira, iha loron 24 fulan agosto tinan 2018, iha gabinete do Presidente do Parlamento Nacional.
Iha reunião ne’e, Diretor Regional Asia Pacifico, David Kaatrud, informa ba Presidente do Parlamento Nacional kona-ba plano estratégico no continuação apoio World Food Programme nian ba VIII Governo Constitucional iha área alimentação no nutrição ba labarik sira, oinsá hatún crescimento mal nutrição iha Timor-Leste liu hussi merenda escolar no programa To’os Escolar ba estudante no professor sira, consciencializa kona-ba importância nutrição no alimentação.
Tanba ne’e hussu apoio Parlamento Nacional nian hodi implementa programa ne’e ho di’ak iha futuro.
Presidente do Parlamento Nacional agradece ba apoio tomak World Food Programme durante ne’e, oinsá hatún malnutrição iha Timor-Leste liu hussi programa sira ne’ebé implementa ona hanessan merenda escolar no seluk tan.
Ba futuro, Parlamento Nacional sugere atu continua serviço hamutuk ho Governo liu hussi ministério relevante sira hodi implementa programa ne’e. Tanba labarik sira precisa iha nutrição di’ak atu bele escola no estuda ho di’ak.
