Pagina Inicial»Noticia
Comissão Especializada Permanente sira iha Parlamento Nacional, iha loron 17 fulan agosto tinan 2018, continua halo audiência publica ba loron datoluk nian ho ministério relevante sira hodi discute kona-ba Orçamento Geral de Estado ba tinan 2018 ba cada ministério.
Durante audiência, cada ministério apresenta nia programa no orçamento ba tinan 2018 inclui execução orçamento duodecimal nian. Hussi orçamento ne’e rassik montante balun sei aloca hodi selu divida ne’ebé mak iha, no necessidade urgente sira ne’ebé ministério hassoru.
Iha audiência ne’e, Deputado sira hussu clarificação ba orçamento sira no fó sugestão barak ba ministério relevante liga ba necessidade povo nian.
Iha loron datoluk ne’e Comissão Especializada Permanente sira ne’ebé halo ona audiência mak hanessan: Comissão A ne’ebé trata assuntos Constitucionais e Justiça, halo audiência ho Tribunal de Recurso, Procurador-Geral da Republica, Provedor dos Direitos Humanos e Justiça, Comissão Anti Corrupção, Comissão Nacional de Eleições, no Comissão da Função Publica.
Comissão B ne’ebé trata assuntos Negócios Estrangeiros, Defesa e Segurança, participa iha Conferencia Internacional kona-ba Mar de Timor.
Comissão C ne’ebé trata assuntos Finanças Públicas, Comissão E ne’ebé trata assuntos Infraestrutura, Comissão F ne’ebé trata assuntos Educação, Saúde e Segurança Sociais e Igualdade de Género, no Comissão G ne’ebé trata assuntos Educação, Juventude, Cultura e Cidadania halo audiência ho Vice-Ministra das Finanças.
Comissão D ne’ebé trata assuntos Economia e Desenvolvimento, halo audiência ho Ministério do Petróleo Recurso Minerais, Autoridade Nacional do Petróleo Instituto do petróleo e Geologia, Timor GAP, no Secretario de Estado Para Formação e Emprego
Audiência publica ne’e sei continua iha loron 20 fulan agosto tinan 2018, hodi rona ministério sira-nia programa no orçamento.
