Error message

  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).

Loron daruak Comissão Especializada Permanente sira halo audiência publica ho ministério sira

Pagina Inicial»Noticia

Comissão Especializada Permanente sira iha Parlamento Nacional, iha loron 16 fulan agosto tinan 2018, continua halo audiência publica ba loron daruak ho ministério relevante sira hodi discute kona-ba Orçamento Geral de Estado ba tinan 2018 ba cada ministério.

Durante audiência, cada ministério apresenta nia programa no orçamento ba tinan 2018 inclui execução orçamento duodecimal nian. Hussi orçamento ne’e rassik montante balun sei aloca hodi selu divida ne’ebé mak iha.

Iha audiência ne’e, Deputado sira hussu clarificação ba orçamento sira no fó sugestão barak ba ministério relevante liga ba necessidade povo nian.

Iha loron daruak ne’e Comissão Especializada Permanente sira ne’ebé halo ona audiência mak hanessan: Comissão A ne’ebé trata assuntos Comissão de Assuntos Constitucionais e Justiça, halo audiência ho Ministério da Administração Estatal, Secretariado Técnico de Administração Eleitoral, Ministério da Justiça, Secretario de Estado de Terras e Propriedades, Policia Cientifica de Investigação Criminal no Defensória Pública.

Comissão B ne’ebé trata assuntos Negócios Estrangeiros, Defesa e Segurança, participa iha Conferencia Internacional sobre Assuntos do Mar.

Comissão C ne’ebé trata assuntos Finanças Públicas, no Comissão E ne’ebé trata assuntos Infraestrutura halo audiência ho Autoridade RAEOA, Ministério das Obras Publicas, Ministério dos Transportes e Comunicações no Ministério Planeamento e Investimento Estratégico.

Comissão D ne’ebé trata assuntos Economia e Desenvolvimento, halo audiência ho Ministro Coordenador dos Assuntos Económicos e o Ministério do Turismo, Comercio e Industria.

Comissão F ne’ebé trata assuntos Educação, Saúde, Segurança Social e Igualdade Género, halo audiência ho Secretaria de Estado para a Igualdade de Género e Inclusão, Ministro Interino e Secretario de Estado para os Assuntos dos Antigos Combatentes da Libertação Nacional.

Comissão G ne’ebé trata assuntos, Educação, Juventude, Cultura e Cidadania, halo audiência ho Ministério do Ensino Superior, Ciência no Cultura e Secretario de Estado da Arte e Cultura.

Audiência publica ne’e sei continua iha loron 17 fulan agosto tinan 2018, hodi rona ministério sira-nia programa no orçamento.

Tags: