Pagina Inicial»Noticia
Presidente do Parlamento Nacional, Arão Noé de Jesus, halo reunião mensal ho Presidente da República, Francisco Guterres «Lu-Olo» iha loron 15 fulan agosto tinan 2018, iha palácio Presidencial Ai-tarak-laran Díli.
Hafoin reunião, Presidente do Parlamento Nacional informa ba jornalista sira katak reunião mensal ne’e atu informa ba Presidente da República kona-ba atividade Parlamento Nacional nian liuliu kona-ba aprovação carater urgência ba proposta Orçamento Geral de Estado, ne’ebé horas ne’e iha ona fase audiência publica iha Comissão Especializada Permanente sira ho ministério relevante.
Presidente do Parlamento Nacional mós lori Deputado sira naran agradece ba Presidente da República ne’ebé promulga ona Proposta de Lei n.o 1/V (1ª) - Autorização Extraordinária para a Realização de uma transferência do Fundo Petrolífero ho montante USD $. 140.000 milhões.
