Pagina Inicial»Noticia
Presidente do Parlamento Nacional, Arão Noé de Jesus, acompanha hussi nia assessor sira, Bruno Lencastre, Júlio Tomás Pinto no Amândio de Sá Benevides, halo reunião ho Vice-presidente Compact Operation hussi Millennium Challenge Coorparation (MCC) ba Timor-Leste, Jonathan A. Brooks, acompanha hussi Embaixadora dos Estados Unidos da América, Kathleen M. Fitzpatrick, ho nia equipa, iha loron 16 fulan julho tinan 2018, iha gabinete do Presidente Parlamento Nacional.
Objetivo reunião ne’e atu introduz ba Presidente do Parlamento Nacional projeto hussi agência MCC nian, ne’ebé hala’o iha Timor-Leste ho duração tinan 5. Projeto ne’e ho tema «Hussi Timor Ba Timor (By Timor for Timor)», programa ida-ne’e hussi Estados Unidos da América, liu hussi Embaixada dos Estados Unidos da América nian iha Timor-Leste ho objetivo atu reduz kiak no hassa’e qualidade economia iha Timor-Leste.
Área hira ne’ebé tama iha projeto ida-ne’e mak hanessan: Desenvolvimento empresarial, Desenvolvimento Capital Humano, Saúde ho Nutrição ba Labarik no Educação. Tanba ne’e, MCC hussu apoio hussi Parlamento Nacional atu controla processo desenvolvimento ba programa ne’e iha futuro.
Presidente do Parlamento Nacional agradece ba Governo dos Estados Unidos da América ba programa foun ne’e ho tema «Hussi Timor ba Timor», no espera katak programa ne’e bele la’o di’ak nune’e povo Timor-Leste bele hetan benefício hussi programa ne’e, liuliu hassai povo hussi kiak, tanba ida-ne’e mak ita hotu nia esperança.
Parlamento Nacional pronto atu coopera ho agência ne’e, atu bele realiza programa ne’e iha futuro mai.
