Pagina Inicial»Noticia
Presidente do Parlamento Nacional, Arão Noé de Jesus da Costa Amaral, acompanha ho nia assessor sira, Bruno Lencastre ho Júlio Tomás Pinto, halo reunião ho Representante Residente UNDP (United Nation Development Programme) nian, Roy Trivedy, ho nia comitiva, iha loron 12 fulan julho tinan 2018, iha gabinete do Presidente do Parlamento Nacional.
Objetivo reunião ne’e, além de congratula Presidente do Parlamento Nacional ba eleição, ko’alia mós kona-ba continuação cooperação entre UNDP ho Parlamento Nacional, ho nia programa sira ne’ebé bele ajuda Parlamento Nacional hodi halo nia função di’ak liu tan.
Presidente do Parlamento Nacional agradece ba apoio tomak hussi UNDP durante ne’e hahú hussi tempo UNTAET (United Nations Transitional Administration in East Timor), hussu atu cooperação ne’e contínua ba futuro nune’e bele desenvolve di’ak liu tan Parlamento Nacional.
Iha loron hanessan, Presidente do Parlamento Nacional mós halo reunião ho representante sira Deputados III Legislatura nian, ne’ebé ko’alia kona-ba polémica carreta “Prado” ne’ebé ex-Deputado balun usa hela.
Hussi discussão naruk, Presidente do Parlamento Nacional promete sei apresenta preocupação hotu hussi ex-Deputado sira iha Conselho de Administração, hodi bele buka solução ne’ebé di’ak.
