Pagina Inicial»Noticia
Parlamento Nacional, liu hussi reunião Plenária ordinária, iha loron 10 fulan julho tinan 2018 halo apreciação ba relatório atividades Comissão Anticorrupção (CAC) nian, ba tinan 2017.
Iha relatório ne’ebé apresenta hussi Comissário CAC, Adérito António Pinto Tilman, ho nia adjunto, ko’alia liu kona-ba sucesso no desafio ne’ebé CAC hassoru, no inclui recomendação balun ba futuro.
Comissário CAC hatete durante nia mandato too fulan julho investiga ona caso barak kona-ba corrupção ne’ebé comete hussi entidade relevante hussi setor público no setor privado. Hussi esforço CAC nian, horas ne’e daudaun ema barak ne’ebé comete caso corrupção cumpri ona pena iha prisão.
Durante apresentação relatório ne’e, Deputado sira hussu perguntas barak relaciona ho ato corrupção ne’ebé comete hussi entidade competente balun, inclui processo investigação ne’ebé CAC halo ho nia recurso ne’ebé iha.
Sessão Plenária ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa tomak.
