Pagina Inicial»Noticia
Parlamento Nacional liu hussi sessão Plenária ordinária iha loron 9 fulan julho tinan 2018, liu hussi votação secreto ba membro na’in lima ba Conselho de Estado, hussi lista única ne’ebé apresenta hussi bancada FRETILIN, CNRT, PLP no PD mak hanessan Ex. Deputada Aurora Ximenes, Ex. Deputado Eduardo de Deus Barreto «Dusae», José dos Santos «Naimori Bukar», José Cornélio Guterres no Arcanjo de Jesus Correia, ho votos 63 a favor, 0 contra no 0 abstenções.
Hafoin ida-ne’e continua kedas ho eleição ba Grupo Nacional ba AP- CPLP (Assembleia Parlamentar - Comunidade dos Países da Língua Português) ho votos 61 a favor, 0 contra no 1 abstenção. Deputado sira ne’ebé hola parte iha AP-CPLP mak hanessan: Deputado Francisco Miranda Branco, Deputada Josefa Alvares Pereira Soares, Deputado António da Conceição, Deputada Maria Terezinha da Silva Viegas, Deputada Maria Fernanda Lay, Deputado Francisco Vasconcelos (efetivo sira), no Deputada Cidália Mesquita Ximenes, Deputada Gabriela Alves, Deputado José Pacheco Soares, Deputado Gilman A. Exposto dos Santos, Deputada Virgínia Ana Belo, no Deputada Lígia Filomena da Silva (suplente sira).
Entretanto eleição ba delegação parlamentar UIP (União Inter Parlamentar), ho votos 63 a favor, 0 contra no 1 abstenção. Ho nia membro sira mak hanessan; Deputado David Dias Ximenes «Mandati», Deputada Maria Angelica R. C. dos Reis, Deputado Aniceto Longuinhos Guterres Lopes, Deputado Adérito Hugo da Costa, Deputada Veneranda Lemos Martins, Deputado Abel Pires da Silva (efetivo sira), no Deputada Lídia Norberta dos Santos Martins, Deputado Silvino Adolfo Morais, Deputado Duarte Nunes, Deputada Isabel Maria Freitas Ximenes, Deputada Elvina Sousa Carvalho no Deputado António Maria Nobre Amaral Tilman (suplente sira).
Iha loron hanessan Deputado sira mós halo assentimento ba deslocação Presidente da República nian ba Portugal ho votos 29 a favor, 35 contra no 0 abstenções. Nune’e Parlamento Nacional la autoriza Presidente da República halo viagem ba estrangeiro.
Votação sira ne’e hala’o iha período da ordem do dia, enquanto iha período de antes ordem do dia nian bancada parlamentar PLP halo declaração politica kona-ba polemica lista membro do Governo ho viagem Presidente da República nian.
Sessão Plenária ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira.
