Pagina Inicial»Noticia
Parlamento Nacional, liu hussi Sessão Plenária ordinária, iha loron 3 fulan julho tinan 2018, hili ona Deputado na’in 3 hanessan membro ba Conselho Superior Defesa no Segurança. Deputado sira ne’ebé hili ona mak Deputado David Dias Ximenes «Mandati», hussi bancada FRETILIN, Deputado Adérito Hugo da Costa, hussi bancada CNRT, no Deputado Abel Pires da Silva, hussi bancada PLP, ho votos 57 a favor, 0 contra no 3 abstenções.
Hafoin votação ida-ne’e, Plenário continua ho votação ba Projeto de Deliberação n.o 4/V/1ª – Criação dos Grupos Parlamentares de Amizade para a V Legislatura, ho votos 59 a favor, 0 contra, no 0 abstenções. Nação hirak ne’ebé tama iha grupo amizade mak hanessan: Austrália, República Popular China, República da Coreia, Estados Unidos da América, Indonésia, Japão, Portugal, República Vanuatu, Nova Zelândia, Reino Unido, África do Sul, Irlanda, Brasil, Cuba, no Singapura.
Votação hirak ne’e hala’o iha Período da Ordem do Dia, enquanto iha Período de Antes da Ordem do Dia nian, halo anúncio ba distribuição Deputado sira ba Comissão Especializada Permanente sira, hanessan Comissão A, ne’ebé trata assuntos Constitucionais e Justiça, ho nia membro hamutuk na’in sanulu-ressin ida (11), Comissão B, ne’ebé trata assuntos de Negócios Estrangeiros, Defesa e Segurança, ho nia membro hamutuk na’in sia (9), Comissão C, ne’ebé trata assuntos Finanças Públicas, ho nia membro hamutuk na’in sanulu-ressin ida (11), Comissão D, ne’ebé trata assuntos Economia e Desenvolvimento, ho nia membro hamutuk na’in sia (9), Comissão E, ne’ebé trata assuntos Infraestruturas, ho nia membro hamutuk na’in ualu (8), Comissão F, ne’ebé trata assuntos Saúde, Emprego, Segurança Social e Igualdade, ho nia membro na’in sia (9), no Comissão G, ne’ebé trata assuntos Educação, Juventude, Cultura e Cidadania, ho nia membro hamutuk na’in sanulu-ressin ida (11).
Sessão Plenária ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira.
