Parlamento Nacional liu hussi Sessão Plenária ordinária, iha loron 26 fulan junho tinan 2018, estabelece ona Comissão Especializada Permanente sira hamutuk hitu (7), Comissão Permanente no elege membro sira Conselho Administração nian ba V Legislatura.
Iha Período da Ordem do Dia, Plenário Parlamento Nacional halo discussão ba Projeto de Deliberação n.o 2/V – Constituição das Comissões Permanentes Especializadas. Projeto ne’e aprova ho votos 44 a favor, 11 contra no 7 abstenções.
Comissão Especializada Permanente sira constitui mak ne’e:
Comissão A: Comissão de Assuntos Constitucionais e Justiça, ho nia membro hamutuk na’in sanulu-ressin ida (11);
Comissão B: Comissão de Negócios Estrangeiros, Defesa e Segurança, ho nia membro hamutuk na’in sia (9);
Comissão C: Comissão de Finanças Públicas, ho nia membro hamutuk na’in sanulu-ressin tolu (13);
Comissão D: Comissão de Economia e Desenvolvimento, ho nia membro hamutuk na’in sia (9);
Comissão E: Comissão de Infraestruturas, ho nia membro hamutuk na’in sia (9);
Comissão F: Comissão de Saúde, Segurança Social e Igualdade de Género, ho nia membro hamutuk na’in sia (9);
Comissão G: Comissão de Educação, Juventude, Cultura e Cidadania, ho nia membro hamutuk na’in sanulu-ressin ida (11).
Hafoin ida-ne’e continua ba discussão no votação ba Projeto de Deliberação n.o 3/V – Constituição da Comissão Permanente. Comissão ida ne’e iha hamutuk Deputado na’in 31, inclui Presidente ho nia Vice-presidente na’in rua no bancada sira hanessan: FRETILIN, na’in sanulu-ressin ida (11), CNRT, na’in sia (9), PLP, na’in tolu (3), PD, na’in rua (2), KHUNTO, na’in ida (1), PUDD, na’in ida (1), no UDT/FM na’in ida (1). Projeto de Deliberação ne’e aprova ho votos 40 a favor, 13 contra no 5 abstenções.
Além de ne’e, Deputado sira halo mós eleição ba membro na’in lima (5) ba Conselho de Administração nian, ho votos 38 a favor, 3 contra no 22 abstenções. Membro sira mak hanessan: bancada FRETILIN, Deputado Antoninho Bianco, efetivo, no Deputado Joaquim Dos Santos «Boraluli», suplente; bancada CNRT: Deputada Virgínia Ana Belo, efetiva, no Deputado José V. R. Ferreira, suplente; bancada PLP: Deputado Francisco Vasconcelos, efetivo, no Deputado Noé da Silva Ximenes, suplente; bancada KHUNTO: Deputada Olinda Guterres, efetiva, no Deputada Irene Gonzaga Sarmento, suplente, no bancada PD: Deputado Adriano do Nascimento, efetivo, no Deputada Elvina Sousa Carvalho, suplente.
Durante Reunião Plenária ne’e, anúncio mós composição bancada parlamentar UDT/FM ne’ebé sai bancada ida hamutuk ho bancada sira seluk hanessan FRETILIN, CNRT, PLP, KHUNTO, PD no PUDD, hamutuk bancada parlamentar hitu (7).
Sessão Plenária ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira, no hetan presença hussi Ministro da Reforma Legislativa e Assuntos Parlamentares, Fidélis Leite Magalhães.
