Parlamento Nacional de Timor-Leste hetan acreditação nu’udar membro observador iha AIPA - Assembleia Interparlamentar ASEAN nian
Iha 20 setembro, iha Bandar Seri Begawan, Brunei Darussalam, durante 34ª Assembleia-Geral Assembleia Interparlamentar ASEAN nian (AIPA), Parlamento Nacional de Timor-Leste ho presença husi ninia Presidente, Vicente da Silva Guterres, hetan acreditação nu’udar membro observador.
Parlamento Nacional nia candidatura hetan aceitação ho unanimidade husi nação membro sira: Camboja, Indonésia, Laos, Malásia, Mianmar, Singapura, Tailândia, Filipinas, Vietname e Brunei Darussalam.
Assembleia Interparlamentar ASEAN nian (AIPA) constitui iha 2006, nu’udar resultado husi transformação Organização Interparlamentar ASEAN nian (AIPO) ne’ebé uluk harii iha 1980, tinan 10 liutiha Associação husi Nação sira Sudeste Asiático nian (ASEAN) mosu, atu contribui, liuhosi cooperação interparlamentar, hodi alcança objetivo no aspiração sira ASEAN nian.
Cooperação metin liu entre parlamento sira sei hamosu participação boot liu husi povo husi nação sira ASEAN nian iha esforço hamutuk atu alcança objetivo principal original tolu husi associação ne’ebé hatuur iha Declaração ASEAN nian, que aprova iha Banguecoque iha 8 agosto 1967: promove desenvolvimento económico, social no cultural região nian liuhosi programa cooperação oioin, salvaguarda estabilidade política no económica iha região no sai hanesan fórum atu resolve diferença intrarregional sira.