Parlamentu Nasionál liu husi reuniaun plenária ordinária, iha loron 15 fulan abril tinan 2025, hala’o debate ho Ministériu Solidariedade Sosial no Inkluzaun kona-ba Implementasaun Rejime Jurídiku Seguransa Sosial no Funsionamentu Fundu Rezerva Seguransa Sosial.
Iha debate ne’e, Deputadu sira kestiona kona-ba mekanismu acesso ba kontribuisaun seguransa sosial, sistema pagamentu ba idosos, investimentu ba kontribuisaun ne’ebé iha, utilizasaun kartaun seguransa sosial, no kestaun seluk nebe’e relasiona ho kontribuisaun seguransa sosial nian.
Sessaun diseminasaun ne’ebé hetan transmisaun direita husi Radiu Parlamentu Nasionál no RTTL.EP, prezide husi Prezidente Parlamentu Nasionál, Maria Fernanda Lay, akompaña husi membru Meza sira, no hetan prezensa husi Vice-Ministra Solidariedade Sosial no Inkluzaun, Céu Brites, ho nia equipa. FIM
