Prezidente Grupu Nasionál Uniaun Inter-Parlamentar Timor Leste (UIP-TL) lidera husi Deputadu Saul Salvador Amaral, akompaña husi membru sira hala’o reuniaun billateral ho Deputadu sira husi Myanmar, iha loron 8 fulan abril tinan 2025, iha Hotel Hilton Uzbekistan, Tashkent.
Iha reuniaun ne’e koalia kona-ba relasaun billateral entre Timor-Leste ho Myanmar iha parte diplomasia nian, no Myanmar husu Timor-Leste atu apoio Myanmar no kontinua koalia iha reuniaun Uniaun Inter-Parlamentar (UIP) kona-ba problema ne’ebe mak mosu iha Myanmar, atu nune bele estabelese fali Politika Demokrasia iha Myanmar. Deputadu sira husi Myanmar mos informa katak sira nia Parlamentu la funciona ho diak, ne’e duni Deputadu sira ne’ebé mai partisipa reuniaun Uniaun Inter Parlamentar (UIP) husu ba UIP atu koalia makas kona-ba Problema ne’ebe mosu iha Myanmar.
Iha tempu hanesan Prezidente Grupu Nasionál Uniaun Inter-Parlamentar Timor-Leste (UIP-TL) Deputado Saul Salvador Amaral kontinua reuniaun ho Grupo Small Island Developing States (SIDS) hodi diskuti no fo hanoin oinsa atu prepara draff ruma kona-ba regras ou prosedimentus ne’ebé relasiona ho Organizasaun no Funsionamentu ba Grupu Parlamentar SIDS iha kuadru Uniaun Inter Parlamentar (UIP) nian, no diskuti mos kona-ba prosesu Eleisaun ba kargu Prezidente Grupu nee nian ne’ebe dadaun ne’e sei asume hela interinamente husi nasaun FIJI.
Iha reuniaun ne’e mos membrus sira hetan mos oportunidade atu hatoo kestaun balun ne’ebe sira infrenta hela dadaun relasiona ho sira nia ekonomia rai laran no mos iha nivel regional no mundial no dezemvolvimento Sustentavel.
Grupo Nasional UIP Timor-Leste hasoru malu mós ho delegasaun UIP Australia nian. FIM
