Prezidente Parlamentu Nasionál (PPN), Maria Fernanda Lay akompaña hosi Deputadu sira, partisipa iha serimónia abertura aniversariu g7+ ba dala 15 ne’ebé organiza husi Ministeriu Negosiu Estranjeiru no Kooperasaun, iha loron 11 fulan abril tinan 2025, iha Sentru Konvensaun Dili, Timor-Leste.
Serimónia ne’e mai ho ajenda importante sira liu husi reuniaun ministerial ba dala 6o nian ne’ebe ho tema : “Unidade tinan 15o nian : forma futuru dame no reziliénte nian iha nasaun sira g7+ nian“.
Iha serimónia abertura ne’e, hato’o diskursu benvindu husi Ministru Negósiu Estranjeiru no Kooperasaun Timor-Leste, Bendito dos Santos Freitas, husi Ministra Planeamentu no Dezenvolvimentu Ekonómiku husi Serra Leoa, Kenyeh Barlay, nu’udar Prezidente ba reuniaun Ministeriál ba dala 6, no husi Prezidente Repúblika, José Manuel Horta, Nomea iha tinan 2019, “enviadu espesial ba asuntu G7. Iha mós aprezentasaun husi “Personalidade Eminente Konsellu Konsultivu G7+”, Primeiru-Ministru IX Governu, Kay Rala Xanana Gusmão, ne’ebé ko’alia kona-ba salvaguarda dame iha tempu susar ka turbulentu. Iha biban ne’e, Sekretáriu-Jerál Nasoens Unidas, António Guterres, transmite mensajen liuhosi vídeo.
Rezultadu ida hosi Enkontru Ministeriál ba dala VI maka Rezolusaun Dili, ho data 12 Abril 2025, ne'ebé reforsa kompromisu hosi Timor-Leste no nasaun g7+ sira seluk hodi kombate konflitu sira no rezolve kestaun globál importante sira seluk ne'ebé relasiona ho interese hosi nasaun sira no povu sira. Hala'o mós eleisaun ba estrutura períudu 2026-2028, ne'ebé sei iha Prezidente ida hosi Illa Salomão nian no vice-prezidente na'in rua hosi Libéria no Repúblika Demokrátiku Kongo nian.
Hafoin serimónia abertura, Prezidente Parlamentu Nasionál no Deputadu sira mos kontinua hola parte iha jantar benvinda nian, iha CCD hamutuk ho konvidadu Honradu sira.
Entertantu, iha loron 12 fulan abril, Prezidente Parlamentu hato’o diskursu enseramentu ba eventu aniversariu no reuniaun ministerial ba da-neen nian iha Sala reuniaun Palm-Spring nian. Iha diskursu hateten: “ Hau hakrak re-afirma mensajen importante sira husi diskusaun sira iha loron rua ikus katak: re-afirma nia revalénsia hodi rezolve dezafiu globál sira ne'ebé afeta ba desproporsionalmente membru sira nian; hametin nia solidariedade internál no aprendizajen dame nian; hasa'e nia advokasia no influénsia polítika iha kontestu global. Tamba ne’e, enkontru sira ne’e hamutuk ho Uniaun-Inter Parlamentár hatudu dimensaun importante ida hosi ami nia serbisu - mobiliza apoiu krusiál ba Deputadu sira iha nasaun ida-idak. Ha'u fiar katak nasaun hotu-hotu nia futuru iha ligasaun, no forsa loloos mak mai hosi ajuda malu atu buras.”
Partisipante iha serimónia ne’e mak hanesan, estrutura relevante husi membru Governu konstituisonal da-sia nian, superior F-FDTL, Tanente Jeneral Falintil-Forsa Defeza Timor-Leste, Falur Rate-Laek, Reprezentante ONU nian, Korpu Diplomatiku sira, Diretor UN Women iha Timor-Leste, Reprezentante Sosiadade Sivil Nasionál no Internasionál sira iha Timor-Leste, Universitariu no estudante sira. FIM
