Error message

  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).

Parlamento Nacional promove artesanato Timor-Leste nian

Colaboração foin daudaun entre Parlamento Nacional ho Liman TL, liuhossi conceção no fornecimento produtos ne’ebé desenvolve especialmente ba Assembleia Parlamentar da CPLP, nu’udar exemplo di’ak tebetebes hodi hatudu katak instituição sira pronto atu simu, no setor nacional artesanato nian pronto atu fornece, ideia no proposta foun oioin ho qualidade aas.

Liuhossi pedido hussi Divisão de Relações Públicas, Educação Cívica e Comunicação do Parlamento Nacional, produto ualu desenvolve tiha nu’udar oferta ba bainaka sira iha V AP CPLP. Ida-ne’e serviço lissuk ne’ebé envolve grupo produtor neen – Jeitu, Bonecas de Ataúro, Sura Mali, Oecusse Weavers, Lo’ud cooperative no Alola Esperança, ho coordenação hussi Liman TL. Ninia resultado maka conjunto ofertas exclusivo, ne’ebé inclui exemplo sira ne’ebé di’ak tebetebes hussi artesanato hussi tradição cultural Timor-Leste nian.

Ne’e liuhossi usa kabas ne’ebé produz iha ita-nia rain, ho tinta natural oioin tuir bei’ala sira-nia lissan, ho matenek hussi soru-na’in, costureira no badain selusseluk hussi Distrito haat ne’ebé produz sassán halo ho ossan-mutin hanessan Belak, Loku no Kaebauk, ne’ebé halo parte importante hussi património no herança cultural Timor-Leste nian, no mós joias halo ho ossan-mutin iha filigrana. Setor nacional artesanato nian hatudu katak sira pronto atu hatán ba desafio hodi cria produto sira ho qualidade aas e valor acrescentado.

 

 

 

Tags: