Assembleia União Interparlamentar nian ba dala 131 hala'o iha Genebra iha 12-16 outubro 2014, ho tema "Alcança Igualdade Género nian, hapara violência contra feto".
Delegação parlamentar ba União Inter-parlamentar (UIP) ne'e Deputado Duarte Nunes (CNRT) mak preside no inclui Deputados Osório Florindo (FRETILIN), Leonel Marçal (FRETILIN), Brígida Correia (CNRT) e Izilda Soares (CNRT), no mós Secretário-Geral do Parlamento Nacional ne'ebé hola parte iha reunião hussi Secretário-Geral sira UIP nian.
Deputada Brígida Correia, hodi delegação Timor-Leste nia naran, hato'o discurso ida iha 15 outubro, ho tema "Concretização da Igualdade de Género, Fim da Violência Contra as Mulheres" iha 131.ª Assembleia ne'ebé destaca feto timoroan sira-nia papel iha luta ba libertação no serviço ne'ebé autoridade sira iha Timor-Leste hala'o daudaun atu luta hassoru forma violência hotu-hotu contra feto.
