Comissão de Ética promove Programa ba Educação Cívica

Comissão de Ética do Parlamento Nacional (Comissão G), bá to’o iha Posto Administrativo Bobonaro, Município Maliana, iha dia 11, 12 e 13 de março de 2015 hodi hala’o programa ho ações educação cívica nian hamutuk ho sociedade civil, inclui kona-ba competências Parlamento Nacional nian, competências Comissão Especializada Permanente sira-nian no Petições ne’ebé povo bele hato’o ba Parlamento Nacional.

Programa ne’e nia objetivo atu aumenta cidadão sira-nia conhecimento kona-ba Parlamento Nacional no fahe informação kona-ba Parlamento ba comunidade sira-ne’ebé hela iha área dook iha foho iha rai-laran, hodi fó biban ba instituição parlamentar no sociedade timorense atu hakbessik malu liután.

Delegação ne’e inclui deputado sira tuirmai ne’e:

1. Agostinho Lay, Presidente da Comissão e chefe da delegação;
2. Olinda Morais, Vice-Presidente da Comissão;
3. Joaninha de Jesus; Membro da Comissão
4. Manuel Soares Salsinha; Membro da Comissão
5. Jacob de Jesus; Membro da Comissão

Funcionário balu acompanha delegação ne’e: Leonito Ribeiro, Francisco Ximenes Sequeira, Agostinho da Costa, José Manuel da Conceição e Jacinta Salu.