Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, akompaña husi Prezidente Komisaun G, ne’ebe trata asuntu Edukasaun no Sidadania no Sekretáriu Jerál Adjunto Parlamentu Nasionál, João Rui Amaral, simu audiénsia publika husi ekipa Asosiasaun Manorin Nain Timor-Leste (AMNTL), iha loron 2 fulan marsu tinan 2023, iha sala konferensia Parlamentu Nasionál.
Objetivu audiénsia refere, atu informa kona-ba preokupasaun hirak ne’ebe durante ne’e AMNTL enfrenta hodi aprezenta ba Parlamentu Nasionál hanesan orgaun lejisladór, fiskalizadór no foti desijaun politika hodi bele buka solusaun ba preokupasaun hirak ne’e.
Preokupasaun hirak ne’ebe AMNTL aprezenta mak hanesan sistema edukasaun no rekrutamentu profesor sira ne’ebe afeta ba kualidade ensinu iha Timor-Leste.
Prezidente Parlamentu Nasionál hamutuk ho Komisaun G kontinua kolebora no rekomenda nafatin ba governu liuliu Ministeriu Edukasaun Juventude no Desportu hodi buka solusaun ba preokupasaun sira ne’e.
