Parlamentu Nasionál simu ona OJE Retifikativu 2022 husi Governu

Pagina Inicial»Noticia

Prezidente Parlamentu Nasionál, Aniceto Longuinhos Guterres Lopes, akompaña husi membru Meza sira, simu ona Proposta Orsamentu Jeral Estadu Retifikativu 2022 nian husi Governu ne’ebe aprezenta husi Ministru Finansas, Rui Gomes, akompaña husi Ministru ba Asuntu Parlamentares no Komunikasaun Sosial, Francisco Jerónimo, iha loron 27 fulan abril tinan 2022, iha Gabinete Prezidente nian.

Proposta OJE Retifikativu ne’ebe Governu aprezenta hamutuk $ 1.129.857.250, ho karater urjensia. Orsamentu ne’e rasik sei finansia medidas komplementar 13 hanesan;

1. Kriasaun Fundu Veteranu ho orsamentu alokadu billiaun $1.
2.  Atribuisaun Pagamentu Decimo Terceiro $200 ba kada família (exeptu funsionáriu públiku sira) ho orsamentu alokadu millaun $70.
3. Uma Kbiit Laek Plus ho orsamentu alokadu millaun $25.
4. Bolsa Estudu ba Mellór Graduadu Estudante Ensinu Báziku no Sekundáriu ho orsamentu alokadu millaun $7,5.
5. Programa Mão-de-obra ba Postu    millaun $7,2.
6. Revitaliza kafé no subsídiu ba kafé Laku-teen ho orsamentu alokadu millaun $6,4.
7. Pagamentu ba diferensa remunerasaun PNTL nian ho rejime salariál foun, ba membru PNTL 4.096 ho orsamentu alokadu millaun $5,1.
8. Harii Sede Arte Marsiál no Rituál millaun $2,5.
9. Programa Eskola iha Uma ho orsamentu alokadu millaun $2,1.
10. Internet gratuita iha eskola sira, millaun $1,1.
11. Subsídiu akomodasaun ba PNTL no F-FDTL ho orsamentu alokadu millaun $1,9.
12. Estabelesimentu Sekretaria ba Asuntu Traballadór iha rai-liur no Komunidade Timoroan iha Diáspora $500 mil.
13. Empregu ba mellór alunu universitáriu sira $437,5 mil.

Hafoin simu proposta orsamentu ne’e, Prezidente Parlamentu Nasionál orienta nia asesor no tekniku sira hodi prepara nota teknika antes baixa ba komisaun relevante hodi prepara relatóriu no pareser. FIM.