Pagina Inicial»Noticia
Parlamentu Nasionál, liu husi sesaun plenária ordinária iha loron 28 fulan marsu tinan 2022, aprova Projetu Rezolusaun n.o 89ª /V(4ª) – Kona-ba krize iha Ucrânia, ho 44 votu a favor, 0 kontra no 0 abstensaun.
Deputadu sira konsidera Timor-Leste hanesan nasaun ida presija fó solidariedade ba nasaun seluk ne’ebe enfrente krize ruma.
Entretantu iha intervensaun diversa Deputadu sira-nian, kontinua kestiona infraestrutura bazika hanesan estrada no ponte iha munisipiu sira ne’ebe difikulta populasaun sira halo movimentu, inklui asuntu importante sira seluk.
Sesaun plenária ne’e prezide husi Prezidente Parlamentu Nasionál, Aniceto Longuinhos Guterres Lopes, akompaña husi membru Meza sira no hetan prezensa husi Sekretáriu Estadu Komunikasaun Sosial, Mericio Juvenal Akara.
