Error message

  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).

Prezidente Parlamentu Nasionál Vizita urjente ba HNGV no Vera Cruz

Pagina Inicial»Noticia

Prezidente Parlamentu Nasionál, Aniceto Longuinhos Guterres Lopes, akompaña husi Prezidente Komisaun F, Deputadu Noé da Silva Ximenes «Buka Tuir», Viseprezidente Komisaun F, Deputadu Felix da Costa no Sekretária Komisaun F, Deputada Helena Martins Belo, iha terça-feira 25 janeiro 2022, halo vizita urjente ba Hospital Nasionál Guido Valadares no Sentru Saúde Vera Cruz, hodi observa direta pasiente dengue hirak ne’ebé baixa hela no observa mós kondisaun real no fasilidade saúde nian hodi halo tratamentu saúde ba pasiente sira.

Durante vizita ne’e, Diretor Jerál Hospital Nasionál Guido Valadares atualiza ba Prezidente Parlamentu Nasionál no estrutura Komisaun F nian kona-ba kondisaun real no difikuldade hirak ne’ebé pesoál saúde enfrenta inklui fasilidade ne’ebé iha hodi atende pasiente sira.

Prezidente Parlamentu Nasionál enkoraja pesoál saúde sira atu kontinua mantem servisu ho profisionál no kualidade atu halo tratamentu ba pasiente sira liuliu labarik sira ne’ebé sofre dengue.

Prezidente Parlamentu Nasionál mós husu ba Ministériu Saúde no povu tomak atu ida idak partisipa ativa iha prevensaun no kombate dengue. FIM.

Tags: